stadium
სტადიონი
Alt Text!
ოლდ ტრაფორდი

"ამ ქალაქის და კლუბის შესახებ ყველაფერი ვიცი. მზიანი ამინდი არ გჭირდება, როდესაც ოლდ ტრაფორდზე "მანჩესტერ იუნაიტედისთვის" თამაშობ" - პატრის ევრა

 

"მანჩესტერ იუნაიტედის" მთავარი სიმბოლო "ოლდ ტრაფორდი", იგივე "ოცნებათა თეატრი". საფეხბურთო არენა მდებარეობს ტრაფორდში, დიდ მანჩესტერში. უეფას სტადიონისთვის 5 ვარსკვლავი აქვს მინიჭებული, ხოლო ტრიბუნები 75 643 მაყურებელს იტევს.

                                                           დაარსება

თავდაპირველი იდეით სტადიონი მანჩესტერში სარკინიზგო ხაზის გაყოლებაზე უნდა ყოფილიყო. არენის აგების იდეა კლუბის ერთ-ერთი თავმდჯომარის ჯონ ჰენრი დევისის სახელს უკავშირდება. მაშინ კლუბს თავისი სტადიონი არ ჰქონდა, ხოლო დევისმა ლოკალური წარმატებების შემდეგ, მიიჩნია, რომ სტადიონი კლუბის მეტ სარგებელს მისცემდა.

თავდაპირველი პროექტით, დევისს სურდა სტადიონი 100 000 ადამიანზე ყოფილიყო გათვლილი, თუმცა ფინანსები საკმარისი არ აღმოჩნდა და საბოლოოდ 80 000 - იანი არენა მიიღო. პროექტის ავტორი შოტლანდიელი არქიტექტორი არქიბალ ლეიტი გახლდათ. საერთო ჯამში, მშენებლობა 60 000 ფუნტი სტერლინგი დაჯდა. 

პირველი მატჩი "ოლდ პარკზე" "ლივერპულის" წინააღმდეგ 1910 წლის 19 თებერვალს გაიმართა, "იუნაიტედმა" 3:4 წააგო. ამის შემდეგ არენამ არაერთ მნიშვნელოვან მატჩს უმასპინძლა 1923 წლამდე, სანამ ლონდონში "უემბლის" სტადიონი აშენდებოდა. 1911 წლის FA თასის ფინალურ შეხვედრას "ბრენტფორდსა" და "ნიუკასლს" შორის 58 000 ადამიანი დაესწრო. 1926 წელს "ოლდ ტრაფორდზე" პირველი სანაკრებო მატჩიც ჩატარდა ინგლისისა და შოტლანდიის ნაკრებებს შორის.



                      "ოლდ ტრაფორდის" ტრაგედია - მეორე მსოფლიო ომი

1940 წლის 22 დეკემბერს გერმანელებმა ქალაქის დაბომბვა დაიწყეს და "მანჩესტერმა" საშინაო არენაზე შეხვედრების ჩატარება შეწყვიტა. 1941 წლის მარტისთვის "ოლდ ტრაფორდის" დიდი ნაწილი დაბომბვის შედეგად განადგურდა. სწორედ ამ დროიდან 1949 წლამდე "მანჩესტერ იუნაიტედი" თანაქალაქელმა "სიტიმ" შეიფარა და კლუბი საშინაო მატჩებს "მეინ როუდზე ატარებდა". 1950 დან 1965 წლამდე "ოლდ ტრაფორდს" რამდენიმე რეკონსტრუქცია ჩაუტრდა, გადაიხურა არენის მთავარი ტრიბუნა. 1980-იანი წლებიდან კი, დაწესებული სტანდარტის მიხედვით, "ოლდ ტრაფორდზე" ინდივიდუალური სკამების დამოტაჟება დაიწყეს. საერთო ჯამში წლების მანძილზე სტადიონს მრავალი მცირე რემონტი ჩაუტარდა, ხოლო ბოლო კაპიტალური რეკონსტრუქცია 2006 წელს ჩატარდა. საერთო ჯამში სტადიონის ტევადობა თითქმის 76 000-მდე გაიზარდა. 


                     სტადიონის სტრუქტურა და მნიშვნელოვანი სახელები


"ოლდ ტრაფორდს" რამდენიმე მნიშვნელოვანი ტრიბუნა აქვს, რომლებიც უდიდესი პიროვნებების სახელებს ატარებენ. ჩრდილოეთ ტრიბუნა სერ ალექს ფერგიუსონის სახელს ატარებს, აღმოსავლეთი სერ ბობი ჩარლტონის. სერ ალექსის ტრიბუნა 26 000 ადამიანს იტევს, ყველაზე მეტს სხვა ტრიბუნებთან შედარებით. ტრიბუნა 1996 წელს გაიხსნა. სწორედ ამ ნაწილთან ახლოს მდებარეობს "მანჩესტერ იუნაიტედის" მუზეუმი. ბობი ჩარლტონის სახელობის ტრიბუნას VIP ლოჟა აქვს. მნიშვნელოვანია სტადიონის დასავლეთ ტრიბუნა - "სტენფორდ ენდი".  ეს ადგილი 20 000 ადამიანს იტევს და აქ ძირითადად "იუნაიტედის" ულტარასები იყრიან თავს.  აღმოსავლეთის ტრიბუნას "სკორბორდ სტენდს" 12 000 ფანი სტუმრობს ხოლმე, ამ ნაწილში სტადიონის ტაბლოა განთავსებული. 


                                                      მომავალი


2009 წელს არსებული პროექტის მიხედვით, "ოლდ ტრაფორდის" ტევადებოდა 95 000-მდე გაიზრდება. ამ მაჩვენებლით "მანჩესტერ იუნაიტედის" სტადიონის ტევადობა "უემბლის" ტევადობას გაუსწრებს. 2016 წელს "ოლდ ტრაფორდზე" დამონტაჟდა სპეციალური ადგილები შეზღუდული შესაძლებლობების მქონე პირებისთვის და იგეგმება, რომ ამ მხრივ არენაზე კიდევ რამდენიმე პროექტი განხორციელდეს. 

 

 

 

 

poll გამოკითხვა

როგორ შეაფასებთ MANCHESTER.GE-ის?

დადებითად
უარყოფითად
ჯერ მიჭირს პასუხი
სულ პასუხები: 13
loss დანაკლისი
injury

ტრავმები

ფილ ჯონსი, პოლ პოგბა.

red_yellow

ყვითელი და წითელი ბარათები

არავინ