ინეოს ჯგუფი და სერ ჯიმ რეტკლიფი "მანჩესტერ იუნაიტედის" წილის შეძენასთან ახლოს არიან, უკვე ყველაფერი დროის საკითხია.

რეტკლიფი "იუნაიტედის" სპორტულ მხარეს ჩაიბარებს და მნიშვნელოვან გადაწყვეტილებებს ამიერიდან თავად მიიღებს.

როგორც ირკვევა, სერ ჯიმი ერიკ ტენ ჰაგის მუშაობით დიდად კმაყოფილი არ არის და ნიდერლანდელის გუნდიდან გაშვება რეალურია.

ახალ მფლობელს გრემ პოტერის კანდიდატურა ხიბლავს და სურს, რომ "იუნაიტედი" სწორედ ინგლისელ მწვრთნელს ჩააბაროს.

პოტერი ბოლოს "ჩელსიში" მუშაობდა, სადაც დიდ წარმატებას ვერ მიაღწია, სახელი კი "ბრაიტონის" ხელმძღვანელობით გაითქვა.