"მანჩესტერ იუნაიტედი" ჩემპიონთა ლიგაზე საშინლად გამოვიდა და ჯგუფური ეტაპი ბოლო, მეოთხე პოზიციაზე დაასრულა.

"იუნაიტედისთვის" ეს დიდ ფინანსურ დარტყმას ნიშნავს, რის შესახებაც ბრიტანული გამოცემა The Telegraph-ი წერს.

კლუბი მინიმუმ მეოთხედფინალურ ეტაპზე გასვლას ელოდა, მაგრამ მოლოდინები ვერ გამართლდა, ამიტომაც ფინანსები შემცირდა.

ჯგუფში ჩარჩენის გამო "მანჩესტერმა" მინიმუმ 28 მილიონი გირვანქა სტერლინგი დაკარგა.

კლუბი 19.5 მილიონს მიიღებდა იმ შემთხვევაში, თუ ჯგუფურ ეტაპს დაძლევდა, დამატებითი 9 მილიონი კი საშინაო მატჩების შემოსავალზე იყო გათვლილი.

"იუნაიტედი" მომდევნო ეტაპებზე გასვლის შემთხვევაში კიდევ უფრო მეტს მიიღებდა, მაგრამ კლუბი ევროტურნირების გარეშე დარჩა.