ოფიციალურად, აქსელ ტუანზებე იჯარის წესით "სტოკ სიტის" შეუერთდა და სეზონის დარჩენილ ნაწილს ინგლისის რანგით მეორე დივიზიონში გაატარებს.

ინგლისელი ფეხბურთელის ტრანსფერი დედლაინზე, ბოლო წუთებში გადაწყდა. "მანჩესტერ იუნაიტედი" ტუანზებესთვის გუნდს პრემიერ ლიგაში ეძებდა, თუმცა ეს არ გამოვიდა.

"იუნაიტედმა" ტუანზებე "ლიდს იუნაიტედსაც" შესთავაზა, მაგრამ უარი მიიღო, რის გამოც, საბოლოოდ კლუბს ფეხბურთელის "სტოკში" გაშვება მოუწია.

აქსელმა ივლისში მძიმე ტრავმა მიიღო და იანვრამდე ვარჯიშსაც ვერ ახერხებდა, ახლა კი მინდორზე დაბრუნდა და სათამაშოდ მზად არის.

ამ დროისთვის, "სტოკი" ჩემპიონშიპის ცხრილში მე-18 პოზიციას იკავებს და ჩემპიონატში ადგილის შესანარჩუნებლად იბრძვის.