სერხიო რეგილონმა "მანჩესტერ იუნაიტედი" დატოვა და ისევ "ტოტენჰემში" დაბრუნდა, წერს The Athletic-ი.

"იუნაიტედს" 1-წლიანი იჯარის ნაადრევად შეწყვეტა შეეძლო, გასულ დღეებში კი კონტრაქტის ეს პუნქტი გააქტიურა.

კლუბს მარცხენა მცველი დროებით სჭირდებოდა, რადგან ლუკ შოც და ტაირელ მალასიაც ტრავმირებულები იყვნენ.

შო უკვე ძირითადშია, მალასიას კი რამდენიმე კვირაში ელიან, ამიტომაც "მანჩესტერში" რეგილონის საჭიროება ვეღარ დაინახეს.

ესპანელმა განაპირა მცველმა "წითელი ეშმაკების" მაისურით 12 მატჩი ჩაატარა.