სერ ჯიმ რეტკლიფმა და ინეოსმა "მანჩესტერ იუნაიტედის" სპორტული მხრის საკონტროლო პაკეტი უკვე ოფიციალურად შეიძინეს.

ახალი მფლობელები გუნდის მომავალზე მუშაობას შეუდგნენ, ერთ-ერთი მთავარი საკითხი კი ერიკ ტენ ჰაგის მომავალია.

გავრცელებული ინფორმაციით, რეტკლიფს ბრიტანელი მწვრთნელის მოყვანა სურს, მთავარი ფავორიტი კი გრემ პოტერია.

მიუხედავად ამისა, მოსალოდნელია, რომ ტენ ჰაგი სეზონს ბოლომდე მიიყვანს და მხოლოდ შემდეგ მიიღებს რეტკლიფი საბოლოო გადაწყვეტილებას.

რაც შეეხება გრემ პოტერს, "ჩელსიდან" გაშვების შემდეგ ის კვლავაც თავისუფალია და ფეხბურთში დაბრუნებას არ ჩქარობს.