ოფიციალურად, მანჩესტერის პოლიციამ მეისონ გრინვუდს ძალადობის ბრალდება მოუხსნა და "მანჩესტერ იუნაიტედის" ფეხბურთელის თაობაზე გამოძიება შეწყვიტა.

თითქმის 1 წლის წინ, გრინვუდის მეგობარმა გოგონამ სოციალურ ქსელში ძალადობის ამსახველი ფოტო და აუდიო მასალა გამოაქვეყნა, დამნაშავედ კი მეისონი მიიჩნეოდა.

პოლიციამ გამოძიება არასაკმარისი მტკიცებულებების გამო შეწყვიტა და საბოლოოდ, გრინვუდი გათავისუფლდა, თუმცა მისი "იუნაიტედში" დაბრუნება ნაკლებად მოსალოდნელია.

Sun Sports-ის ინფორმაციით, "მანჩესტერის" ფეხბურთელებს არ სურთ, რომ გრინვუდი გუნდში დააბრუნონ, რადგან ის მათ პროგრესს შეაჩერებს.

"წითელი ეშმაკები" ინგლისელის დაბრუნების მომხრეები, ამ ეტაპზე, არ არიან და ურჩევნიათ, რომ სეზონი მის გარეშე გააგრძელონ.