"მანჩესტერ იუნაიტედის" ხელმძღვანელობის რეკონსტრუქცია გრძელდება და შესაძლოა, ცვლილება მთავარი მწვრთნელის პოზიციასაც შეეხოს.

ინეოსი კლუბის განახლებას ცდილობს, ამიტომაც ერიკ ტენ ჰაგის მომავალი სერიოზული კითხვის ნიშნის ქვეშ დგას.

თუ ნიდერლანდელი გუნდში სიტუაციას ვერ გამოასწორებს, დიდი შანსია, ის ოლდ ტრაფორდიდან დაითხოვონ.

გავლენიანი ბრიტანული გამოცემა The Guardian-ის ცნობით, "იუნაიტედი" პოტენციურ მთავარ მწვრთნელებსაც არჩევს.

ერთ-ერთი კანდიდატი "ბრაიტონის" იტალიელი დამრიგებელი რობერტო დე ძერბია, რომელსაც შესანიშნავი გუნდი ჰყავს.

44 წლის სპეციალისტს კლუბთან კონტრაქტი 2026 წლამდე აკავშირებს.