ალეხანდრო გარნაჩო "მანჩესტერ იუნაიტედთან" ახალ კონტრაქტს გააფორმებს და კლუბში კიდევ დიდი ხნით დარჩება, იუწყება ესპანური გამოცემა AS-ი.

წყაროს თქმით, მხარეებმა შეთანხმებას პრაქტიკულად მიაღწიეს. "იუნაიტედში" ფიქრობენ, რომ კონტრაქტი რამდენიმე დღეში გახანგრძლივდება.

გარნაჩო კლუბთან 5-წლიან კონტრაქტს გააფორმებს და ოლდ ტრაფორდზე 2028 წლამდე დარჩება. ჯერჯერობით, უცნობია, რამდენი იქნება მისი ანაზღაურება.

ამ დროისთვის, ერთადერთი პრობლემა ფოტოებზე უფლებებია, თუმცა მოსალოდნელია, რომ ეს დაბრკოლებაც მალევე გადაილახება.

18 წლის ფეხბურთელს "იუნაიტედში" დარჩენა სურს, ამიტომაც კონტრაქტის გახანგრძლივებაზე თანახმაა და სხვა კლუბებისგან შეთავაზებებს არ იღებს.