"მანჩესტერ იუნაიტედში" მოსვლის დღიდან, ერიკ ტენ ჰაგმა დისციპლინის დამყარებაზე მუშაობა ყველაზე აქტიურად დაიწყო და ეს ასეც გრძელდება.

აღნიშნულ თემაზე The Times-მა ფრედსაც ჰკითხა, რომლის განცხადებითაც, ტენ ჰაგმა გასახდელში 3 მთავარი წესი ჩამოწერა.

"ახალი მწვრთნელის მოთხოვნით, გასახდელში 3 წესი არის ჩამოწერილი. არ დააგვიანო, არ მოიქცე ცუდად და ყოველთვის დაეხმარე შენს თანაგუნდელს", - ამბობს ფრედი.

ტენ ჰაგისთვის დისციპლინა უმნიშვნელოვანესია და ამ მხრივ, პრიორიტეტი არავის ენიჭება. მაგალითად, მარკუს რაშფორდი, რომელმაც ვარჯიშზე დააგვიანა, "ვულვზთან" მატჩში სკამზე აღმოჩნდა.