მოულოდნელად, რამდენიმე დღის წინ, რაფაელ ვარანმა სანაკრებო კარიერა დაასრულა და საზოგადოებას ამის შესახებ სოციალურ ქსელის მეშვეობით აცნო.

რაფა ჯერ მხოლოდ 29 წლის არის, თუმცა ის ეროვნულ ნაკრებში თამაშს აღარ აპირებს. "მანჩესტერ იუნაიტედის" მცველმა გადაწყვეტილების მიზეზი Canal+-თან დაასახელა.

"ნაკრებისთვის ყველაფერი გავიღე, ფიზიკურადაც და მენტალურადაც. უმაღლეს დონეზე თამაშისას სარეცხი მანქანა ხდები, მუდამ ჩართული ხარ და არასდროს ჩერდები.

ჩვენ ძალიან გადატვირთული გრაფიკი გვაქვს და შეუჩერებლად ვთამაშობთ. ახლა, ძალიან ვიტანჯები და ვფიქრობ, ფეხბურთელი ვარანი აქრობს ადამიან ვარანს", - განაცხადა რაფამ.

როგორც ჩანს, გამოცდილ მცველს მეტი თავისუფალი დრო სჭირდება, რის გამოც ეროვნული ნაკრები დატოვა.