მეისონ გრინვუდი მანჩესტერის სასამართლომ გაათავისუფლა და ყოველგვარი ბრალდება მოუხსნა, ინგლისელის საქმიანობაზე გამოძიება აღარ მიმდინარეობს.

გრინვუდი მეგობარ გოგონაზე ძალადობაში იყო ბრალდებული, მაგრამ არასაკმარი მტკიცებულებების გამო გამოძიება დასრულდა.

მეისონი სოციალურ ქსელებში ისევ გამოჩნდა, კერძოდ კი ინსტაგრამზე, სადაც ბიოში "მანჩესტერ იუნაიტედი" და ნაიკი მონიშნა.

ამ უკანასკნელი ბრენდის განცხადებით, გრინვუდი მათი კლიენტი აღარ არის და ვერ გაუგიათ, რატომ არიან მონიშნულები ინგლისელის პროფილზე.

როგორც ჩანს, ახალგაზრდა მოთამაშე კარიერის აღდგენას ცდილობს, თუმცა ნაიკისგან უკვე უარი მიიღო. რას აპირებს "იუნაიტედი", ეს ჯერ კიდევ უცნობია.