"მანჩესტერ იუნაიტედმა" კვირის შუაში პრემიერ ლიგის გამოტოვებული შეხვედრა ჩაატარა და ოლდ ტრაფორდზე "ლიდსს" უმასპინძლა.

სტუმრებმა ანგარიში პირველივე წუთზე გახსნეს, მეორე ტაიმის დასაწყისში კი სხვაობა ორამდე გაზარდეს. "იუნაიტედმა" ორი გოლის გატანა შეძლო და შეხვედრა ფრედ დასრულდა.

"მიუღებელია დერბის ისე დაწყება, როგორც ჩვენ გავაკეთეთ. ბრძოლისთვის მზად უნდა იყო პირველივე წუთიდან, ჩვენ კი არ ვიყავით.

ვიცოდით, რომ მეტოქე აგრესიულად ითამაშებდა, ეცდებოდნენ პირველი ბურთის მოგებას, რადგან კარგ გუნდთან თამაშობდნენ. მათ სურდათ დუელები, რაც გააკეთეს.

გასახდელში საუბარი ამ ფრაზით დავიწყე - ბიჭებო, პირველ ტაიმში მზად არ ვიყავით სათამაშოდ, დარწმუნდით, რომ ახლა იქნებით.

შემდეგ გავედით მინდორზე და ისევ გოლი გავუშვით. იმედგაცრუებული ვარ, რომ ორივე ტაიმის დასაწყისში ბრძოლა წავაგეთ", - განაცხადა ტენ ჰაგმა.