"მანჩესტერ იუნაიტედისა" და "ლიდსის" შეხვედრის დაწყებამდე ცოტა დრო რჩება, გუნდებმა ძირითადი შემადგენლობებიც გამოაქვეყნეს.

ერიკ ტენ ჰაგმა დაცვის ხაზში როტაციას მიმართა, რაფაელ ვარანი და ლისანდრო მარტინესი სათადარიგოთა სკამზე აღმოჩნდნენ.

მათ ნაცვლად, ძირითად თერთმეტეულში ჰარი მაგუაიერი დაბრუნდა, რომელსაც ლუკ შო შეუწყვილდება, ფლანგს კი ტაირელ მალასია ჩაიბარებს.

რა თქმა უნდა, ერიკ ტენ ჰაგს მატჩის დაწყებამდე აღნიშნულ თემაზე ჰკითხეს და მისი თქმით, ცვლილება როტაციით არის გამოწვეული.

"როტაცია ჩვენი რეალობის ნაწილია, ძალიან ბევრი მატჩი გვაქვს ჩასატარებელი. რა თქმა უნდა, გარკვეულწილად, ტაქტიკური ცვლილებაც არის.

მაგუაიერი და შო ერთმანეთს კარგად იცნობენ, იციან ამ კლუბების მეტოქეობის შესახებ. დღეს მათგან ველი ლიდერობას", - განაცხადა ერიკმა.