პრემიერ ლიგაში მორიგი ძალიან დაძაბული და საინტერესო სეზონის მომსწრენი ვართ. საჩემპიონო რბოლას "მანჩესტერ იუნაიტედიც" შეუერთდა, ოთხეულისთვის კი უამრავი კლუბი იბრძვის.

ამ დროისთვის, ცხრილის სათავეში "არსენალია", რომელიც "მანჩესტერ სიტის" 2 ქულით უსწრებს და თანაც, ლონდონელებს 1 მატჩით ნაკლები აქვთ ჩატარებული.

"იუნაიტედი" მესამე პოზიციას იკავებს და დღეს გამარჯვების შემთხვევაში, თანაქალაქელ კლუბთან სხვაობას უკვე 3 ქულამდე შეამცირებს.

FiveThirtyEight-ის სუპერკომპიუტერის აზრით, ჩემპიონი სწორედ "არსენალი" გახდება. კომპიუტერი "მეთოფეების" ჩემპიონობის შანსებს 49%-ით აფასებს.

"სიტის" გაჩემპიონება 47%-ით არის მოსალოდნელი, "იუნაიტედს" კი მხოლოდ 3% ერგო. სუპერკომპიუტერის აზრით, სეზონი ასეთი ექვსეულით დასრულდება:

1. "არსენალი" - 83 ქულა
2. "მანჩესტერ სიტი" - 82 ქულა
3. "მანჩესტერ იუნაიტედი" - 72 ქულა
4. "ნიუკასლი" - 64 ქულა
5. "ლივერპული" - 64 ქულა
6. "ტოტენჰემი" - 64 ქულა