ლისანდრო მარტინესმა The Telegraph-თან ინტერვიუ ჩაწერა და რამდენიმე საინტერესო შეკითხვას უპასუხა.

"მანჩესტერ იუნაიტედის" არგენტინელ მცველს ჰკითხეს, თუ პრემიერ ლიგაში ვის წინააღმდეგ გაუჭირდა მას თამაში ყველაზე მეტად.

ლიჩას თქმით, მისთვის ყველაზე რთული მეტოქე "არსენალის" ბრაზილიელი ფორვარდი გაბრიელ ჟეზუსი იყო.

აღსანიშნავია, რომ ის მატჩი "იუნაიტედმა" 3-1 მოიგო, თუმცა ჟეზუსი ძალიან აქტიურობდა და "მანჩესტერის" მცველებს დიდ პრობლემას უქმნიდა.

საინტერესოა ისიც, რომ ჟეზუსს არც გოლი და არც საგოლე გადაცემა არ შეუსრულებია, მაგრამ ლიჩამ მაინც ის მიიჩნია ყველაზე რთულ მეტოქედ.