"რეალში" გატარებული დიდი პერიოდის შემდეგ, ზაფხულის სატრანსფერო ფანჯარაზე კარლოს ენრიკე კაზემირომ მადრიდი დატოვა და "მანჩესტერ იუნაიტედს" შეუერთდა.

ბრაზილიელი ფეხბურთელი შესანიშნავად გამოიყურება და ერთ-ერთი გამორჩეული ფეხბურთელიც გახდა.

კლუბის ოფიციალურ ვებ-გვერდთან საუბრისას, კაზემიროს ლა ლიგისა და პრემიერ ლიგის შედარება სთხოვეს, მისი პასუხი კი ასეთია.

"ეს ორი ჩემპიონატი ძალიან განსხვავებულია. განსაკუთრებით თამაშის გარემოს გამო, კონკრეტულად კი ინტენსივობის.

არ ვაკნინებ ლა ლიგას, მაგრამ პრემიერ ლიგაში თამაში გაცილებით რთულია, რადგან აქ უამრავი ტრანზიცია და სწრაფი შეტევაა.

ესპანეთში ტიკი-ტაკას ანიჭებენ უპირატესობას, აქ კი მეტი კონტრშეტევა და განსხვავებული გუნდები არიან. ყველა ლიგას აქვს თავისი დონე, მთავარია ადაპტაცია", - განაცხადა კაზემ.