"მანჩესტერ სიტის" გასამართი მატჩის წინ, პეპ გუარდიოლამ პრესკონფერენცია ჩაატარა და ჟურნალისტების კითხვებს უპასუხა.

პეპს "მანჩესტერ იუნაიტედის" კარაბაოს თასის ჩემპიონობა შეახსენეს და ჰკითხეს, იბრძოლებს თუ ვერა კლუბები სხვა ტიტულებისთვის.

"ვულოცავ მანჩესტერ იუნაიტედს. ადრე თუ გვიან ეს უნდა მომხდარიყო, მათ ტიტული მოიპოვეს.

შეძლებენ თუ ვერა სხვა ტიტულებისთვის ბრძოლა? თუ ისინი ცოტა მეტ ფულს დახარჯავენ, მაშინ დიახ, ახლა ფულს არ ხარჯავენ, არა?", - განაცხადა პეპმა.

გუარდიოლამ ირონიულად მოიხსენია "იუნაიტედი" და კლუბის სატრანსფერო აქტივობაზე გააკეთა აქცენტი.