კარაბაოს თასის მოგების შემდეგ, "მანჩესტერ იუნაიტედი" მინდორს უბრუნდება და ამჯერად, ასოციაციის თასზე გამართავს შეხვედრას.

ერიკ ტენ ჰაგის გუნდი საშინაო კედლებში "ვესტ ჰემ იუნაიტედს" მიიღებს და შეეცდება მომდევნო ეტაპზე გავიდეს.

მთავარმა მწვრთნელმა ოფიციალურად დაადასტურა, რომ გუნდს კვლავ ვერ დაეხმარება ენტონი მარსიალი. კითხვნის ნიშნის ქვეშაა ფრედისა და ლუკ შოს მონაწილეობაც.

გუნდების სავარაუდო თერთმეტეულები ასე გამოიყურება:

"მანჩესტერ იუნაიტედი": დე ხეა, ვან-ბისაკა, ვარანი, მარტინესი, მალასია, კაზემირო, ზაბიცერი, რაშფორდი, ბრუნო, გარნაჩო, ვეგჰორსტი;

"ვესტ ჰემი": არეოლა, ოგბონა, ზუმა, აგერდი, ჯონსონი, დაუნსი, რაისი, სოუჩეკი, ემერსონი, ბოუენი, ანტონიო.