ზაფხულის სატრანსფერო ფანჯრის გახსნამდე კიდევ რამდენიმე თვე დარჩა, თუმცა კლუბები წინასწარ მონახაზს უკვე აკეთებენ.

ერთ-ერთი მთავარი საგა დეკლან რაისი გარშემოა, რომელსაც "ვესტ ჰემის" დატოვება და კარიერის სხვა კლუბში გაგრძელება მკაცრად აქვს გადაწყვეტილი.

ინგლისელი ნახევარმცველი "არსენალის" მთავარი სამიზნეა და ლონდონელებმა უკვე დიდი სამუშაო გასწიეს, რათა რაისი დაიმატონ.

მიუხედავად ამისა, საქმეში "მანჩესტერ იუნაიტედიც" ერთვება. დეკლანი ერიკ ტენ ჰაგის პირადი სამიზნეა და კლუბს მის შეძენას სთხოვს.

ნიდერლანდელს ცენტრალური ნახევარდაცვის გაძლიერება სურს, ერთ-ერთი კანდიდატი კი სწორედ რაისი იქნება.