"მანჩესტერ იუნაიტედმა" პრემიერ ლიგის უკანასკნელ ტურში ისტორიაში ერთ-ერთი ყველაზე მწარე მარცხი იგემა და ენფილდზე 7-0 დამარცხდა.

ერიკ ტენ ჰაგის გუნდი "ლივერპულთან" განადგურდა, ნიდერლანდელი სპეციალისტი კი გაბრაზდა როგორც ფეხბურთელებზე, ასევე საკუთარ თავზე.

როგორც წესი, მატჩის მეორე დღეს ფეხბურთელები ისვენებენ და ენერგიის აღდგენას ცდილობენ, მაგრამ ტენ ჰაგმა გეგმები შეცვალა.

ერიკმა ყველა ფეხბურთელი დილის 9 საათზე სავარჯიშოდ დაიბარა და მათი დასვენების დღე გააუქმა.

თავის მხრივ, თავად მთავარი მწვრთნელი დილის 7 საათიდან კარინგტონზე იმყოფებოდა და "ლივერპულთან" მატჩის ანალიზს აკეთებდა.