პრემიერ ლიგის 26-ე ტურში "მანჩესტერ იუნაიტედმა" სეზონის და მთლიანად ისტორიის ერთ-ერთი ყველაზე მძიმე შეხვედრა ჩაატარა.

ენფილდზე ჩასული "წითელი ეშმაკები" ადგილობრივ "ლივერპულთან" სამარცხვინო ანგარიშით დამარცხდნენ და 7-0 განადგურდნენ.

მატჩის დასრულების შემდეგ, "იუნაიტედის" ფეხბურთელები პირდაპირ გასახდელისკენ გაემართნენ, რაც ძალიან არ მოეწონა რაფაელ ვარანს.

ფრანგმა ცენტრალურმა მცველმა მათ დაუყვირა და უთხრა, რომ ბოდიში უნდა მოეხადათ იმ ფანებისთვის, რომლებიც ლივერპულში ჩავიდნენ.

კარგი მატჩი თავად რაფასაც არ ჩაუტარებია, მაგრამ მას ფანები არ დავიწყებია და პირველი იყო, ვინც მათ მოუბოდიშა.