"მანჩესტერ იუნაიტედისა" და "ლივერპულის" მატჩის ბოლო წუთებში, ბრუნო ფერნანდეშმა გვერდითა მსაჯს უკნიდან ხელი კრა, რასაც დიდი გამოხმაურება მოჰყვა.

"იუნაიტედმა" მატჩი 7-0 წააგო, რის გამოც პორტუგალიელი კაპიტანი ძალიან გაბრაზებული იყო და თავისი ბრაზი მსაჯზე ანთხია.

Sky Sports-ის ინფორმაციით, მომხდარი შემთხვევის მიუხედავად, FA-მ გამოძიება უკვე შეწყვიტა და ბრუნო არ დაისჯება.

"იუნაიტედის" ერთ-ერთ ლიდერს არც დისკვალიფიკაცია და არც ფულადი ჯარიმა არ დაეკისრება, ბრუნო სასჯელს გადაურჩა.