"მანჩესტერ იუნაიტედისთვის" 5 მარტი ისტორიაში შავი ასოებით ჩაიწერება. ერიკ ტენ ჰაგის გუნდი ენფილდზე გამანადგურებელი სხვაობით, 7-0 დამარცხდა.

"ლივერპულმა" მეორე ტაიმში მოსისხლე მტერი ძალიან დაჯაბნა, "იუნაიტედის" ფეხბურთელებმა კი სასჯელი გასახდელშივე მიიღეს.

Daily Mirror-ის თქმით, ტენ ჰაგმა გასახდელში მყოფ ყველა ადამიანს უთხრა, რომ უბრალოდ გაჩუმებულიყვნენ და მოესმინათ, როგორ აღნიშნავდნენ გამარჯვებას ლივერპულელები.

ერიკმა მათ ხმის ამოღების უფლება არ მისცა და აიძულა მანჩესტერელები, ესმინათ გახარებული "მერსესაიდელების" ხმა.

ტენ ჰაგის მიზანი იყო მოთამაშეებისთვის მოტივაცია მიეცა და ესწავლებინა, რომ ისინი არასდროს არ უნდა დანებდნენ.