"რომაში" გადაბარგებული პაულო დიბალა ისევ ძველებურად ათამაშდა, ტრავმებიც მიივიწყა და ისევ გამოჩნდა ევროპული ტოპ კლუბების რადარზე.

Goal-ის თქმით, ერთ-ერთი დაინტერესებული კლუბი "მანჩესტერ იუნაიტედიც" არის და შესაძლოა, კლუბმა ზაფხულში მისი დამატება სცადოს.

რაც მთავარია, არგენტინელის კონტრაქტში გამოსასყიდი პუნქტია. არაიტალიურ კლუბს მისი შეძენა მხოლოდ 11 მილიონი გირვანქა სტერლინგი დაუჯდება.

ჯერჯერობით, "იუნაიტედს" საბოლოო გადაწყვეტილება არ მიუღია, მაგრამ კლუბი ნამდვილად ფიქრობს პაულოს გადაბირებაზე და აქტიურად აკვირდება მას.

მიმდინარე სეზონში, 29 წლის შემტევმა 26 მატჩი ჩაატარა, მის ანგარიშზე 12 გოლი და 8 საგოლე პასია.