ზაფხულის სატრანსფერო ფანჯრის მიწურულს "მანჩესტერ იუნაიტედმა" კაზემირო დაიმატა, რომელიც გუნდის ერთ-ერთი ლიდერი და უცვლელი ფიგურა გახდა.

ბრაზილიელმა გამოცდილმა ნახევარმცველმა კლუბს უდიდესი გამოცდილება და გამარჯვებულის მენტალიტეტი მოუტანა, უფრო ვრცლად კი ერიკ ტენ ჰაგმა ისაუბრა.

"როდესაც სატრანსფერო ფანჯარაზე ფეხბურთელებს განვიხილავდით, ჩვენ ვეძებდით მოთამაშეებს, რომლებსაც ჰქონდათ ხასიათი და მენტალიტეტი.

მსოფლიოში ძალიან ბევრი ფეხბურთელია, რომელსაც კარგი უნარები აქვს. მაგალითად, ტაქტიკურად განვითარებულები არიან ან უბრალოდ ძალიან სწრაფად დარბიან.

ჩვენ ვეძებდით ფეხბურთელებს ხასიათით, ვისაც შეეძლო ლიდერობა, იღებდა პასუხისმგებლობას და არის მდგრადი. კაზემირო სწორედ ასეთი აღმოჩნდა", - განაცხადა ტენ ჰაგმა.