2022/23 წლების სეზონის დაწყებამდე, ერიკ ბაილიმ "მანჩესტერ იუნაიტედის" დატოვება გადაწყვიტა და იჯარით ფრანგულ "მარსელს" შეუერთდა.

ველოდრომის ბინადრებს კოტ-დიუარელის გამოსყიდვა მოუწევთ, თუ კონტრაქტის მიხედვით 2 პუნქტი შესრულდება.

პირველ რიგში, ბაილიმ ლიგა 1-ის თამაშების 50%-ში უნდა მიიღოს მონაწილეობა. სეზონის დარჩენილი 12 მატჩიდან 10-ში ის მინდორზე უნდა გავიდეს, რათა ეს პუნქტი შესრულდეს.

თუმცა, საკმარისი მხოლოდ ეს არ არის, არამედ "მარსელმა" ჩემპიონთა ლიგის საგზურიც უნდა მოიპოვოს. ამ დროისთვის, გუნდი მე-2 პოზიციას იკავებს.

თუ პირობები შესრულდა, მაშინ ფრანგებს ბაილის გამოსყიდვა სულ რაღაც 7 მილიონი ევრო დაუჯდებათ.