გავლენიანი ბრიტანული გამოცემა The Telegraph-ის ინფორმაციით, "მანჩესტერ იუნაიტედი" ზაფხულში ახალი მეკარის დამატებას შეეცდება.

დავიდ დე ხეას კონტრაქტი სეზონის ბოლოს ეწურება და კლუბი მასთან ახალი ხელშეკრულების გაფორმებას ცდილობს, მაგრამ ის პირველი მეკარე აღარ იქნება.

როგორც ცნობილია, კლუბი პირველ ნომრად 2 ვარიანტს განიხილავს - დავიდ რაია ("ბრენტფორდი") და დიოგუ კოშტა ("პორტუ").

რაიას კონტრაქტი მომდევნო სეზონის ბოლოს ეწურება, ამიტომაც "ბრენტფორდი" მზად არის მის გასაყიდად, მსურველები კი მრავლად არიან.

თავის მხრივ, კოშტამ პორტუგალიურ კლუბთან ხანგრძლივი კონტრაქტი გააფორმა და მისი ტრანსფერი ბევრად ძვირი დაჯდება.

ასეა თუ ისე, დე ხეა ნდობას კარგავს და გუნდი მის შემცვლელს აქტიურად ეძებს.