ცნობილი გამოცემა ESPN-ის ინფორმაციით, ზაფხულის სატრანსფერო ფანჯარაზე "მანჩესტერ იუნაიტედის" ერთ-ერთი სამიზნე გაბრი ვეიგა იქნება.

"სელტას" 20 წლის ნახევარმცველი შესანიშნავ სეზონს ატარებს, რის გამოც უამრავი ევროპული გრანდის მხრიდან დაიმსახურა ინტერესი.

"იუნაიტედის" გარდა, ვეიგას ტრანსფერზე "რეალი", "ლივერპული", "მანჩესტერ სიტი", "არსენალი" და კიდევ უამრავი კლუბი აპირებს მუშაობას.

ესპანელი მოთამაშე ამპლუით შემტევი ნახევარმცველია, თუმცა ასევე შეუძლია ცენტრალური ნახევარმცველის როლის მორგებაც.

მიმდინარე სეზონში, გაბრიმ 28 მატჩში 8 გოლსა და 3 საგოლე გადაცემას მოუყარა თავი.