ზაფხულის სატრანსფერო ფანჯარაზე "მანჩესტერ იუნაიტედის" პრიორიტეტი ახალი ცენტრალური ფორვარდის დამატება იქნება.

კლუბს უამრავ ფეხბურთელს უკავშირებენ, ყველაზე ხშირად კი ვიქტორ ოსიმენის სახელი გვესმის, რომელიც გასაოცარ ფორმაშია.

"ნაპოლის" ნიგერიელი შემტევი დაფრინავს, უკანასკნელი მატჩის შემდეგ კი მას "იუნაიტედის" ინტერესზეც ჰკითხეს.

"არ ვიცი რა მელის მომავალში. სეზონის ბოლოს, ჩემს აგენტებთან ერთად დავსხდები და განვიხილავ მომავალს. მექნება საუბარი ნაპოლისთანაც", - ამბობს ვიქტორი.

რამდენიმე დღის წინ, ვიქტორმა განაცხადა, რომ მისი ოცნება პრემიერ ლიგაში თამაშია და ამას აუცილებლად გააკეთებს.