აარონ ვან-ბისაკა შესანიშნავ ფორმაში შევიდა და ნელ-ნელა, "მანჩესტერ იუნაიტედის" ძირითად შემადგენლობაში ადგილსაც იბრუნებს.

მიუხედავად კარგი თამაშისა, ვან-ბისაკა ინგლისის ეროვნულ ნაკრებში არ გამოიძახეს, სადაც მართლაც ბევრი მაღალი დონის მარჯვენა მცველია.

კაილ უოკერი, კირან ტრიპიერი, რის ჯეიმსი, ტრენტ ალექსანდერ-არნოლდი, ბენ უაითი - "ობობას" სწორედ მათთან უწევს კონკურენციის გაწევა.

RDC-ს ინფორმაციით, ამ მიზეზის გამო, ვან-ბისაკამ გადაწყვიტა "სამ ლომზე" აღარ იფიქროს და ამიერიდან კონგოს დემოკრატიული რესპუბლიკის მაისური მოირგოს.

აარონი ლონდონშია დაბადებული, თუმცა წარმოშობით კონგოელია და 2015 წელს, კონგოს 20-წლამდელთა ნაკრებშიც ითამაშა.

ჯერჯერობით, ინფორმაცია ოფიციალურად არ დადასტურებულა, თუმცა ყველაფერი მალე გადაწყდება.