ლიგის თასის მოგების შემდეგ, "მანჩესტერ იუნაიტედს" პრემიერ ლიგაში ცუდი დრო უდგას, გუნდმა ზედიზედ 3 ტურში დაკარგა ქულები და თანაც, გოლის გატანაც ვერ შეძლო.

ერიკ ტენ ჰაგი შეტევაში ახალი იარაღების პოვნას ცდილობს, მაგრამ ჯერაც უშედეგოდ, გუნდს პრობლემები აქვს.

MEN-ის ინფორმაციით, ნიდერლანდელი მთავარი მწვრთნელი უკვე მოთმინებას კარგავს ჯეიდონ სანჩოს მიმართ, რომელიც ფორმაში ვერა და ვერ შევიდა.

ინგლისელი შემტევი შედეგიანობით ვერ გამოირჩევა და თამაშზე დიდ გავლენას ვერ ახდენს, რაც მარტივად შესამჩნევია.

ტენ ჰაგი ჯეიდონს დროს სეზონის ბოლომდე აძლევს და თუ სიტუაცია არ შეიცვლება, მაშინ მის გაყიდვას შეეცდება.