"მანჩესტერ იუნაიტედმა" პრემიერ ლიგაში ზედიზედ მეორე მატჩი მოიგო და საშინაო არენაზე "ევერტონი" 2-0 დაამარცხა.

"წითელმა ეშმაკებმა" დომინანტური პერფორმანსი აჩვენეს, თუმცა შეხვედრის მიწურულს დაზიანება მიიღო მარკუს რაშფორდმა.

ინგლისელმა მოედანი იძულებით დატოვა. რა თქმა უნდა, ჟურნალისტებმა ერიკ ტენ ჰაგს ჰკითხეს რაშფორდის მდგომარეობაზე.

"უნდა მოვითმინოთ, რათა ზუსტი ინფორმაცია გვქონდეს, მაგრამ არც თუ ისე კარგი სიტუაციაა.

ეს კალენდრის ბრალია, 6 დღეში 3 მატჩის ჩატარება არ შეიძლება", - განაცხადა ტენ ჰაგმა.