"მანჩესტერ იუნაიტედი" ზაფხულის სატრანსფერო ფანჯრისთვის დიდი გეგმებით ემზადება და მეტიც, კლუბს მუშაობა დაწყებული აქვს.

ერიკ ტენ ჰაგი ჰარი მაგუაიერის გაყიდვას და მისი შემცვლელის მოყვანას აპირებს, ფავორიტი კი უკვე ცნობილია.

დინ ჯონსის თქმით, "იუნაიტედი" "მონაკოსთან" მოლაპარაკებებს აქტიურ რეჟიმში აწარმოებს, სამიზნე აქსელ დისასია.

ტენ ჰაგს 25 წლის ფრანგი ცენტრალური მცველი ძალიან მოსწონს და მისი ოლდ ტრაფორდზე ხილვა სურს.

მონეგასკები თავიანთ ერთ-ერთ ლიდერს დაახლოებით 45 მილიონ გირვანქა სტერლინგად აფასებენ.

როგორც ირკვევა, საუბარი პოზიტიურად მიდის და დიდი შანსებია, დისასი "წითელი ეშმაკი" გახდეს.