გავლენიანი გერმანელი ჟურნალისტის ფლორიან პლეტენბერგის თქმით, მარსელ ზაბიცერს "მანჩესტერ იუნაიტედში" სურს დარჩენა.

ავსტრიელი ნახევარმცველი კლუბს ზამთრის სატრანსფერო ფანჯარაზე "ბაიერნიდან" 6-თვიანი მშრალი იჯარით შეუერთდა.

"იუნაიტედს" მისი გამოსყიდვის უფლება არ აქვს, თუმცა კლუბში კმაყოფილები არიან მისი თამაშით და შენარჩუნებაზე უარს არ იტყვიან.

Sky Germany-ის სტატიაში ვკითხულობთ, რომ თავად ზაბიცერს "ბაიერნში" დაბრუნება არ უნდა, მისი პრიორიტეტი ოლდ ტრაფორდზე დარჩენაა.

თავის მხრივ, "რეკორდმაისტერიც" მზად არის გაყიდოს მოთამაშე, მაგრამ ჯერ მოლაპარაკებები არ დაწყებულა.