ერიკ ტენ ჰაგს "მანჩესტერ იუნაიტედში" კიდევ ერთი ყოფილი "აიაქსელის", რაიან გრავენბერხის გადაყვანა სურს.

სანდო ჟურნალისტის სანტი ოუნას ინფორმაციით, ნიდერლანდელმა მწვრთნელმა კლუბის წარმომადგენლებს მისი ტრანსფერი მოსთხოვა.

ამჟამად, გრავენბერხი "ბაიერნში" ირიცხება, თუმცა მცირე სათამაშო დროის გამო კლუბის დატოვება აქვს გადაწყვეტილი.

20 წლის ნახევარმცველის მიმართ ინტერესს "იუნაიტედის" გარდა "ლივერპული" და "არსენალიც" გამოხატავენ.

რაიანის აგენტები მალე შეხვდებიან სამივე კლუბს, რის შემდეგაც მიიღებენ გადაწყვეტილებას. გრავენბერხის მთავარი მოთხოვნა სათამაშო დროა.