ოფიციალურად, 2023 წლის 3 მაისს ოლდ ტრაფორდის მიმდებარე ტერიტორიაზე ლეგენდარული ჯიმი მერფის ძეგლი დაიდგმება.

"მანჩესტერ იუნაიტედმა" მისი ძეგლის დადგმის გადაწყვეტილება 2021 წელს მიიღო, ახლა კი კლუბი საბოლოო ეტაპზეა.

მერფი სერ მეტ ბასბის ყოფილი ასისტენტი და კლუბის ისტორიაში ერთ-ერთი გამორჩეული მწვრთნელია.

ჯიმი კლუბს 1946 წელს შეუერთდა, მომდევნო 4 დეკადის განმავლობაში კი უამრავი სხვადასხვა როლი მოირგო.

მერფი ბასბის ასისტენტი 1955 წელს გახდა. მიუნხენის ტრაგედიის შემდეგ, ის "მანჩესტერის" დროებითი მწვრთნელიც გახდა.

უელსელი ლეგენდა 1990 წელს გარდაიცვალა. სწორედ მას უკავშირდება კარინგტონის აგება. ამასთან, სეზონის საუკეთესო ახალგაზრდა მოთამაშის ჯილდოც მერფის სახელს ატარებს.