დღეს, საქართველოს დროით 23:15 საათზე, "მანჩესტერ იუნაიტედი" პრემიერ ლიგის ეგიდით "ტოტენჰემს" დაუპირისპირდება.

გამარჯვების შემთხვევაში, "იუნაიტედი" კიდევ უფრო მეტად მიუახლოვდება ოთეულში ადგილის დამკვიდრებას და ჩემპიონთა ლიგაზე მოხვედრას.

გასულ დღეებში გავრცელებული ინფორმაციით, კითხვის ნიშნის ქვეშ დგას ბრუნო ფერნანდეშის თამაში, რომელიც ტრავმირებულია.

MEN-ის ინფორმაციით, პორტუგალიელი გუნდთან ერთად ლონდონში გაემგზავრა და მოსალოდნელია, რომ შეძლებს მატჩში მონაწილეობის მიღებას.

აღსანიშნავია, რომ ბრუნოს კარიერაში არასდროს გამოუტოვებია შეხვედრა ტრავმის გამო.