ზაფხულის სატრანსფერო ფანჯარაზე "მანჩესტერ იუნაიტედის" პრიორიტეტი ახალი ცენტრალური ფორვარდის დამატება იქნება.

კლუბს უამრავი კანდიდატი ჰყავს, თუმცა სიის მთავარი ლიდერი პრემიერ ლიგის ერთ-ერთი მთავარი ვარსკვლავი ჰარი კეინია.

ინგლისელი უკვე წლებია "ტოტენჰემში" ბრწყინვალედ თამაშობს, თუმცა ტიტულების მოგებას ვერ ახერხებს, ამიტომაც ლონდონიდან წასვლაზე დაფიქრდა.

MEN-ის ინფორმაციით, "დეზები" არ აპირებენ კეინთან განშორებას და მითუმეტეს, მისი სხვა პრემიერ ლიგურ კლუბში გაშვებას.

ეს მხოლოდ იმ შემთხვევაში მოხდება, თუ რომელიმე დაინტერესებული კლუბი ჰარის სანაცვლოდ 113 მილიონ ევროს გადაიხდის.

ამასთან ერთად, კეინს ხელფასის სახით კვირაში 300,000 ფუნტი სურს, ამიტომ მისი ტრანსფერი ძვირი სიამოვნება იქნება.