შეიხი ჯასიმ ბინ ჰამად ალ ტანი "მანჩესტერ იუნაიტედის" შეძენას ცდილობს და გლეიზერებისთვის ახალ წინადადებას ამზადებს.

ჯასიმი "იუნაიტედის" დიდი ქომაგია და მზად არის კლუბის 100% შეისყიდოს, თუმცა, ჯერჯერობით, ამერიკელი მფლობელების პირობებს ვერ აკმაყოფილებს.

FootMercato-ს ინფორმაციით, შეიხს "მანჩესტერისთვის" დიდი გეგმები აქვს და მეტიც, უკვე პირველი ვარსკვლავური ტრანსფერი ჩაიფიქრა.

იმ შემთხვევაში, თუ ის კლუბის შეძენას მოახერხებს, მაშინ "პარი სენ-ჟერმენიდან" ნეიმარის პრემიერ ლიგაში გადაყვანას შეეცდება.

ჯასიმი ბრაზილიელი ვარსკვლავის ოლდ ტრაფორდზე გადაბირებას ცდილობს და მზად არის დიდი ფინანსური რესურსიც გაიღოს.

იქამდე, მან კლუბი უნდა შეისყიდოს, რასთანაც არც თუ ისე ახლოსაა.