კაზემიროს შესანიშნავი თამაშის მიუხედავად, "მანჩესტერ იუნაიტედში" უკვე ფიქრობენ მის სამომავლო შემცვლელზე.

ბრაზილელი ნახევარმცველი უკვე 31 წლისაა, ამიტომაც ის კიდევ დიდი ხნით ვერ შეძლებს უმაღლეს დონეზე თამაშს.

The Independent-ის ინფორმაციით, ერიკ ტენ ჰაგის ფავორიტი 19 წლის რომეო ლავიაა, რომელიც "საუთჰემპტონში" გასაოცრად გამოიყურება.

ტენ ჰაგს სურს, რომ კაზემიროს გზა ლავიამ გააგრძელოს, შესაბამისად მას უფრო აქტიურად დააკვირდება.

როგორც ცნობილია, მომდევნო ზაფხულს ბელგიელი ნახევარმცველის შეძენა "მანჩესტერ სიტის" 40 მილიონად შეეძლება. სწორედ ეტიჰადიდან გადაბარგდა ლავია სენტ მერიზე.

სავარაუდოა ისიც, რომ ლავია წელსვე შეიცვლის კლუბს, რადგან "საუთჰემპტონი" ჩემპიონშიპში გავარდა.