გავლენიანი ბრიტანული გამოცემა Sky Sports-ი "მანჩესტერ იუნაიტედის" ახალი სამიზნის შესახებ ავრცელებს ინფორმაციას.

წყაროს თქმით, ზაფხულის სატრანსფერო ფანჯარაზე "იუნაიტედი" სადიო მანეს პოტენციურ ტრანსფერზე დაფიქრდება.

სენეგალელი შემტევის "ბაიერნიდან" წასვლა გადაწყვეტილია, მიუხედავად იმისა, რომ ის გერმანიაში გასულ ზაფხულს გადაბარგდა.

ერიკ ტენ ჰაგს "ლივერპულის" ყოფილი შემტევი ძალიან მოსწონს და მისი ოლდ ტრაფორდზე ხილვაც სურს, თუ მანე თანახმა იქნება.

სადიოს მერსესაიდელებთან ერთად ჩემპიონთა ლიგა და პრემიერ ლიგა აქვს მოგებული, ამიტომ რთულად სათქმელია, რამდენად ისურვებს ქომაგების გაბრაზებას.

"იუნაიტედის" გარდა, მანეს დამატებას პრემიერ ლიგის კიდევ რამდენიმე კლუბი განიხილავს.