"მანჩესტერ იუნაიტედი" ლისანდრო მარტინესის დაჯილდოვებას ახალი კონტრაქტით აპირებს, მოწმობს ბრიტანული გამოცემა Sky Sports-ი.

"წითელი ეშმაკები" ძალიან კმაყოფილები არიან მარტინესის სადებიუტო სეზონით და მას გაუმჯობესებულ პირობებს სთავაზობენ.

"იუნაიტედმა" ლისანდრო გასულ ზაფხულს შეიძინა და ხანგრძლივი კონტრაქტიც გაუფორმა, თუმცა ბორდს მისი ხელფასის გაზრდა სურს.

ამ დროისთვის, არგენტინელი მცველი ყოველკვირეულად მხოლოდ 50,000 გირვანქა სტერლინგს იღებს.

როგორც ირკვევა, კლუბს მისი ხელფასის გასამმაგება სურს, რის შემდეგაც მარტინესი 150,000-ს გამოიმუშავებს.