"მანჩესტერ იუნაიტედის" ოფიციალურ ვებ-გვერდთან საუბრისას ბრუნო ფერნანდეშმა ლისანდრო მარტინესი შეაქო.

პორტუგალიელი ფეხბუთელის თქმით, ლისანდროს ინგლისში კრიტიკულად დახვდნენ, თუმცა მან თავისი შესაძლებლობები დაამტკიცა.

"ვიცოდი, რომ იუნაიტედის ქომაგები ლიჩას მენტალიტეტს დააფასებდნენ და ის შეუყვარდებოდათ. ფანებს უყვართ ფეხბურთელები, რომლებიც იბრძვიან და მინდორზე ტოვებენ ყველაფერს, ლიჩა კი ამას აკეთებს.

მარტინესი მოვიდა და თავისი ადგილი მოიპოვა. ხალხს მასში ეჭვი შეჰქონდა სიმაღლის გამო, რადგან პრემიერ ლიგა ძალიან ფიზიკური ლიგაა.

მეც არ ვარ ძლიერი, მაგრამ უკვე 3 წელია აქ ვთამაშობ", - თქვა ბრუნომ.