"მანჩესტერ იუნაიტედი" ჩემპიონთა ლიგის საგზურის მოპოვებისკენ მორიგი ნაბიჯის გადადგმას შეეცდება.

20 მაისს, საქართველოს დროით 18:00 საათზე, "წითელი ეშმაკები" ვითალითი სთედიუმზე "ბორნმუთს" ესტუმრებიან.

"იუნაიტედს" კვლავ გამოაკლდებიან ლისანდრო მარტინესი, მარსელ ზაბიცერი და დონი ვან დე ბეეკი. კითხვის ნიშნის ქვეშ დგას სკოტ მაკტომინეისა და მარკუს რაშფორდის თამაში.

სავარაუდო შემადგენლობები ასე გამოიყურება:

"ბორნმუთი": ნეტუ, სმიტი, სენესი, კელი, ვინია, ლერმა, როტუელი, ოუტარა, ბილინგი, კრისტი, სოლანკე;

"მანჩესტერ იუნაიტედი": დე ხეა, ვან-ბისაკა, ვარანი, ლინდელოფი, შო, კაზემირო, ერიქსენი, ანტონი, ბრუნო, სანჩო, მარსიალი.