"მანჩესტერ იუნაიტედი" ზაფხულის სატრანსფერო ფანჯარაზე აქტიურობას და სუსტი პოზიციების გაძლიერებას აპირებს.

ალფრედო პედულას თქმით, "იუნაიტედს" ცენტრალური მცველისა და ცენტრალური ფორვარდის დამატებაც სურს, მთავარი სამიზნეები კი "ნაპოლიში" ჰყავს.

როგორც ირკვევა, კლუბი კიმ მინ-ჯეს ტრანსფერს უახლოვდება, რომელიც ოლდ ტრაფორდზე გადასასვლელად მზადყოფნას აცხადებს.

ამის გარდა, "მანჩესტერს" ვიქტორ ოსიმენის შეძენაც სურს, თუმცა, ამ შემთხვევაში, გარიგება ბევრად რთული მისაღწევი იქნება.

კიმის კონტრაქტში 50-მილიონიანი გამოსასყიდი პუნქტი არსებობს, ოსიმენს კი ნეაპოლელები 130 მილიონ ევროდ აფასებენ.

ერთი რამ ცხადია, "წითელ ეშმაკებს" ახალი ფორვარდი სჭირდებათ და დიდი თანხის დახარჯვასაც აპირებენ.