ზამთრის სატრანსფერო ფანჯარაზე "მანჩესტერ იუნაიტედში" იჯარით გადასულმა მარსელ ზაბიცერმა კლუბში კარგი შთაბეჭდილება დატოვა.

"იუნაიტედმა" ავსტრიელი მოთამაშე "ბაიერნიდან" 6-თვიანი მშრალი იჯარით, გამოსყიდვის უფლების გარეშე დაიმატა.

ერიკ ტენ ჰაგს ზაბიცერი მოსწონს და მას სათამაშო დროსაც აძლევდა, თუმცა ტრავმის გამო მას სეზონის დასკვნითი ნაწილის გამოტოვება მოუწია.

Bild-ის ინფორმაციით, "ბაიერნი" მზად არის გაყიდოს ზაბიცერი, რადგან 29 წლის მოთამაშე მათ სამომავლო გეგმებში არ შედის.

"რეკორდმაისტერი" ავსტრიელს დაახლოებით 25 მილიონ ევროდ აფასებს.

ჯერჯერობით, უცნობია, შეეცდება თუ არა "იუნაიტედი" ზაფხულში ზაბიცერის სრული ტრანსფერით დამატებას.