ფაქტობრივად გადაწყვეტილია, რომ დეკლან რაისი ზაფხულის სატრანსფერო ფანჯარაზე "ვესტ ჰემს" დატოვებს და ახალ კლუბს შეუერთდება.

ინგლისის ეროვნული ნაკრების ერთ-ერთ ლიდერს ტიტულების მოგება და გრანდში თამაში სურს, ამიტომ მისი კარიერა "ვესტ ჰემში" დასასრულს უახლოვდება.

რა თქმა უნდა, რაისის დამატება პრემიერ ლიგის წამყვანი კლუბების ერთ-ერთი პრიორიტეტია, მათ შორის კი "მანჩესტერ იუნაიტედისაც".

The Mirror-ის ინფორმაციით, თავად რაისს ყველაზე მეტად "არსენალის" კანდიდატურა ხიბლავს და სწორედ ემირეიტებზე სურს კარიერის გაგრძელება.

"მეთოფეები" მზად არიან დეკლანის სანაცვლოდ 90 მილიონი გირვანქა გადაიხადონ, თუმცა "ჩაქუჩებს" კიდევ უფრო მეტის მიღება სურთ.

საინტერესოა, შეეცდება თუ არა "იუნაიტედი" სატრანსფერო რბოლაში ჩართვას, რადგან რაისის სურვილი უკვე ცხადია.