პრემიერ ლიგის 37-ე ტურში, "მანჩესტერ იუნაიტედმა" საშინაო კედლებში ლონდონის "ჩელსი" მიიღო და 4-1 გაანადგურა.

ერიკ ტენ ჰაგის შეგირდებმა ბრწყინვალე მეორე ტაიმი შემოგვთავაზეს და "არისტოკრატებს" შანსი არ დაუტოვეს.

ანგარიში პირველ ტაიმში კაზემირომ გახსნა, ამავე ნახევრის დამატებით დროში კი ენტონი მარსიალმა სხვაობა ორამდე გაზარდა.

მეორე ნახევარში ბრუნო ფერნანდეშმა თავისივე მოპოვებული პენალტი აქცია გოლად, მეოთხე ბურთი კი მარკუს რაშფორდმა შეაგდო.

4 გატანილი გოლის მიუხედავად, "იუნაიტედის" xG (მოსალოდნელი გოლები) 5.21 იყო, რაც პრემიერ ლიგის სეზონის ყველაზე მაღალი მაჩვენებელია.

პრემიერ ლიგის არც ერთ გუნდს არც ერთ მატჩში არ ჰქონია 5.21-ზე მეტი მოსალოდნელი გოლი, "იუნაიტედმა" ყველას აჯობა.