პრემიერ ლიგის 2022/23 წლების სეზონი დასასრულს მიუახლოვდა, ხვალ 38-ე ტურის მატჩები გველის.

"მანჩესტერ იუნაიტედმა" ოთხეულში ადგილი გაინაღდა, მაგრამ ახლა საკითხავი ის არის, რომელ პოზიციაზე დაასრულებს გუნდი სეზონს.

თუ "იუნაიტედი" ოლდ ტრაფორდზე "ფულემს" დაამარცხებს, მაშინ "წითელი ეშმაკები" მესამე ადგილს დაიკავებენ.

"ნიუკასლს" გამარჯვება და "იუნაიტედის" ფეხის დაცდენა სჭირდება, რათა პოზიცია დაიბრუნოს.

მესამე და მეოთხე ადგილებს შორის მცირე ფინანსური სხვაობაა. მესამე ადგილზე გასვლის შემთხვევაში, კლუბი 67 მილიონ გირვანქას მიიღებს, მეოთხეზე - 64 მილიონი.

ნებისმიერ შემთხვევაში, "იუნაიტედს" ბევრად დიდი ფინანსური სარგებელი ექნება, ვიდრე გასულ სეზონში, როცა კლუბმა 31 მილიონი გამოიმუშავა.